Sabor agridoce na Magdalena

Estivemos ben pero non fomos capaces de pechar o encontro e o Vilalbés reaccionou a tempo

Ramón (Adestrador)

O conxunto infantil levou o control do choque e mostrouse superior durante todo o encontro, pero non foron quen de materializalo con máis claridade e os locais aproveitaron dous erros no tramo final con gran efectividade. Nos últimos minutos o equipo volcouse na busca de desnivelar o encontro e dispuxo accións claras de gol pero non conseguiu atinar coa portería local.