O Suso Cruz xa decide

O primeiro equipo voltou ó Suso Cruz na tarde do sábado para desputar o cuarto encontro de liga ante o Meira, mais non foi quen de dominar nos primeiros intres do xogo que foron desencadenando unha primeira parte cun ritmo lento e sen sensación de que poidera caer o primeiro gol para ningún dos dous equipos.

Sen embargo, foi Alejandro quen abriría a lata para os visitantes, despois dunha xogada fortuita dentro da área de Jesús, o atacante meirense puido rematar con forza polo ángulo esquerdo para mandar o balón ó fondo das redes e poñerse por diante no marcador pouco antes de que o colexiado Cordero Fernández pitase o tempo de lecer. (0-1, 36′)

Finalmente, o descanso chegaría con susto para os locais, a posible lesión de Jesús na última xogada do primeiro tempo volveriase un quebradeiro de cabeza para o cadro técnico, que decidiu alinealo de novo para a segunda metade, mais puido recuperarse e ser unha peza importante para a remontada do Guiti.

No segundo tempo, o cadro guitiricense foi quen de recompoñerse; ca entrada de Alvariño (Alvariño por Miguel, 45′), Javi retrasou a súa posición e o equipo puido empezar a crear ocasións de perigo.

Pouco tempo necesitaría o Guiti para empatar o encontro; en un alarde de veteranía, Tanke sacou rápido nunha falta en medio campo, filtrando un gran balón que partiu á línea defensiva rival e atopou a Pablo, que con gran habilidade desfíxose do gardameta visitante para empurrar o balón ó fondo da portería. (1-1, 53′)

O empate deu ás ó Guitiriz, que a partir de entón controlaría o ritmo do partido, e tería varias ocasións nas botas de Diego Alvariño e Javi para poñerse por diante no marcador, mais non foi ata o minuto 79 cando o cadro local puido darlle a volta ó encontro, nunha xogada ensaiada a balón parado Javi atoupou a Antón, que puido rematar pola escuadra do primeiro pau e conseguir así o gol da remontada. (2-1, 79′)

Ó Meira non lle quedou outra que botarse arriba para tentar o empate nos últimos intres do encontro, o que levou a que nun gran contragolpe, Alvariño puidera desfacerse de dous defensores e atopar de novo a Antón na frontal da área, que definiu cun golpeo cruzado raso para poñer a sentencia a prol dos nosos. (3-1, 85′)

Malia o resultado favorable ó Guitiriz, a piques de rematar o partido, un malentendido na zaga local xogou unha mala pasada para Ansede e Jesús, nun intento de depexe do primeiro, o balón acabaría entrando na portería para darlle emoción ós minutos finais. (3-2, 88′)

Pese á mala fortuna, os nosos souperon controlar os últimos intres do encontro para que chegara o pitido final e con el a segunda victoria consecutiva en liga, que xa coloca ó primeiro equipo na cuarta posición da táboa antes de enfrentarse ó Cospeito a próxima fin de semana.