Dúas caras no debut do xuvenil ante o Lourenzá

A segunda metade mostrounos o camiño a seguir

Jose (Adestrador)

Primeira metade cun tramo inicial de escaso ritmo onde o Lourenzá levou a iniciativa e tivo un par de boas opcións. Co paso dos minutos a presenza dos visitantes era menor. Pero varias concesións defensivas puxeron por diante ao Lourenzá. Despois os peores momentos dos nosos onde o Lourenzá se puxo 0-3 e incluso errou un penalti.
Na segunda moito mellor a SD Guitiriz que tivo dúas claras opcións de gol nos primeiros minutos. Sería de todas formas o Lourenzá o que marcara tras un córner.
Non acusaron o tanto os locais que buscaron insistentemente o gol. Atopárono nunha ocasión, obra de Martiño, e dispuxeron de claras opcións para meterse no encontro, incluso un penalti. O Lourenzá perdeu o sitio no encontro e sufriu na segunda metade, as súas opcións foron en varias contras cos locais envorcados en ataque.
Derrota final por 1-4, nun encontro no que pesou moito a cómoda diferenza coa que os visitantes chegaron ao tempo de lecer.